Kahalagahan ng mga pamanang pinagkaloob ng mga sinaunang kabihasnan ( Ma. Leila Jenine M. Nuestro )

       Bilang isang estudyante, maipapakita ko ang aking pag-unawa sa kahalagahan ng mga pamanang pinagkaloob ng mga sinaunang kabihasnan sa pamamagitan ng patuloy na pag-aaral ng mga ito. Mas mauunawaan natin ang kahalagahan nito kung pag-aaralan ito. Ang pagkakaroon ng sapat na ideya tungkol sa mga pamanang pinagkaloob sa atin ang unang hakbang upang madiskubre ang naging parte at importansya ng mga ito sa ating kasaysayan. Ang paghahanap ng mga datos tungkol sa mga pamanang ito at kung saan ito nagmula ay dapat maisakatuparan upang mas maunawaan ko kung bakit kailangang pahalagahan ang mga pamanang pinagkaloob sa atin.